رۆژا چارشەمبی، ١٧ـی حوزەیرانا ٢٠٢٦، ب ئامادەبوونا (پ.هـ.د. جاسم محمد عبدو) هاریکارێ سەرۆکێ زانکۆیا زاخۆ بۆ کارۆبارێن زانستی و (پ. هـ. د. رزگار سەعید حسێن) هاریکارێ سەرۆکێ زانکۆیا سۆران بۆ کارۆبارێن قوتابیان، یاداشتنامەیەکا تێگەهشتنێ د بیاڤێ دابینکرن و بکارئینانا سیستەمێ زانیاریێن قوتابیان (SIS)، د ناڤبەرا زانکۆیا زاخۆ و زانکۆیا سۆران هاتە ئیمزاکرن.
مەرەم ژ ئیمزاکرنا یاداشتنامەیێ، دابینکرنا سیستەمێ زانیاریێن قوتابی (SIS)ـە بۆ قوتابیێن زانکۆیا زاخۆ، کو چەندین سالە ئەڤ سیستەمە ل زانکۆیا سۆران کار پێ دهێتە کرن و ئاسانکارییەکا زۆر بۆ قوتابیان پەیداکرییە بۆ بڕێڤەبرنا کار و مامەلەیێن وان، هەروەسا ب مەرەما پێشڤەبرنا خزمەتگوزاری و ژێرخانێ ئەلیکترۆنییە ل هەردۆک زانکۆیان.